تسلا لا تحرق الوقود لكنها تحرق النقود :
تسلا لا تحرق الوقود لكنها تحرق النقود، ده كان عنوان لفيتشار مطول تم نشره علي بلومبرج في شهر أبريل سنه ٢٠١٨، مصحوب صورة اللي فيها إيلون ماسك بيحرق الدولارات بقاذف لهب.
 |
| وكالة الفيزا نيوز| ايلون ماسك ونجاح شركة تسلا |
شركة تسلا و إعلان الإفلاس :
في الوقت ده شركة تسلا كانت علي بعد خطوات من إعلان الإفلاس، كانت عبارة عن مكينه لحرق الكاش كانت بتحرق ٧٣٤٠ دولار في كل دقيقة يعني اكثر من مليار دولار نقدا كل ٣ شهور، مع عدم و جود تمويل اضافي وده معناه ان الشركة اللي عمرها ١٥ سنه وقتها الفلوس بتخلص منها، ورغم كميات الكاش المحروقة الا ان النتايج بتاعتها كانت مخيبه للامال.
مشاكل شركة تسلا :
تاخير في مواعيد تسليم سيارات موديل ٣، و مشاكل فنية في السيارات اللي تم تسليمها، ولم تشهد تدفق نقدي إيجابي غير في الربع الاول منذ اكتتابها سنه ٢٠١٠ وتلال من الديون علي الشركة يعني مثلا طلعت من ٢٠١٧ و كان معاها حوالي ٣ فاصل ٤ مليار دولار في حين الديون المستحقة اللي كانت عليها كانت ٩ فاصل ٤ مليار دولار سهم الشركة انهار بأكثر من الربع في الفترة دي و حوادث لسيارة تسلا وهي في وضع التيار الالي تسبب في مقتل أشخاص.
اكتشاف خداع ماسك للعالم و تحويلة لتحقيق في الولايات المتحدة :
البوست المخادع اللي كتبه ماسك نفسه بانه حصل علي تمويل مضمون في صفقة لبيع تسلا بسعر ٤٢٠ دولار للسهم، وطبعا اتضح بعدها ان كل ده كان غير صحيح، و بالتالي رفعت هيئة الأوراق المالية و البورصة في الولايات المتحدة دعاوى قضائية ضد ماسك تتهمه بالتلاعب في الأسواق و تضليل المستثمرين و العملاء، كان كل شئ بينهار في الوقت ده.
هروب المسؤولين التنفيذيين من شركة تسلا :
المسؤولين التنفيذيين في تسلا بداوا ينطوا من السفينة قبل ما تغرق، سي إم بي سي تتبعت المدراء التنفيذيين الاستقاله من تسلا من بداية ٢٠١٨ لحد شهر سبتمر ٢٠١٨ و لقيت أنهم ٤١ من مدير تنفيذي كبير وده الوقت اللي شوفنا فيه إيلون ماسك بيدخن المالجاوانه علي الهواء مباشرة وهو مع الممثل الكوميدي جون روجن، وبعدها علي طول سهم الشركة سقط كمان بأكثر من ٩ ٪ ، دوامه من المشاكل الشركة كانت غرقانه فيها و بتسير بخطوات ثابته نحو إعلان الإفلاس، بنسبه لإيلون ماسك ما كانش إعلان افلاس شركة تسلا اللي تم تأسيسها سنه ٢٠٠٣ و مرت بأوقات كتير جدا كانت قريبة فيها من الإفلاس، بالنسبة له ما كانش شئ غريب.
تصريح ماسك في برنامج ٦٠ دقيقة مع سكون بيلي :
إيلون ماسك شخصيا توقع ان تسلا تفلس و صرح بده بشكل مباشر في لقائة مع سكون بيلي في برنامج ٦٠ دقيقة لمارس ٢٠١٤ ، قال انه كان بيتوقع لشركة تسلا انها تفشل، علشان بعدها بيلي يسأله طب ليه انت بتحاول لما انت عارف انها ستفشل ؟ وقتها ماسك رد عليه برد مختصر و اللي بيكشف عن كثير من قناعاته و طريقة تفكيرة في تنفيذ الأعمال، قال له إذا كان هناك شئ مهم بما فيه الكفاية فيجب ان تحاول حتي لو كانت النتيجة المحتملة هي الفشل.
عودة شركة تسلا الي المنافسة العالمية من جديد :
خلال سنه ٢٠١٩ نتفاجئ بشركة تسلا بتخرج من جديد من تحت الحطام كالعادة و تعود بشكل اقوي من الأول بعد تغلبها علي اغلب المصاعب اللي ذكرنها من شوية، و بتثبت للنقاد بانهم مخطئين و انها لن تستسلم بسهولة، شفنا بعد كده مميزات كتير في سيارات تسلا زي التسارع الفوري و تحديثات البرامج من علي الإنترنت مع وجود اسرعه و اكبر شبكة لشحن السيارات في العالم و ضبط مشاكل الانتاج لدرجة ان الانتاج ده كان بيتجاوز الأرقام المستهدفة أصلا.
تطوير الشركة و انشاء مصانعها حوله العالم :
بدأت الشركة موخرا الانتاج في مصنعها الرئيسي التأني اللي تم بنائه في شنغهاي في الصين، وبدات عمل في مصنعها الثالث قريب من برلين في ألمانيا كل ده قدر يقنع مئات الآلاف من العملاء و المستثمرين، بالتغاضي عن مشاكل الشركة و فتح محافظهم النقدية و انفاق الأموال علي سيارات تسلا لحد ما شوفنا النتائج المالية للنص التأني في ٢٠١٩ بتحقق فيهم ربحية مع وجود مؤشرات إيجابية قوية للشركة، ومع بداية ٢٠٢٠ الشركة كانت في مركز قوة لم تصل اليها طول حياتها، تقريبا سهم الشركة فضل يرتفع من اكتوبر ٢٠١٩ لحد بداية فبراير ٢٠٢٠ لحد ما وصل مستوي قياسي هو ٩٦٠ دولار لسهم.
توقعات شركات الأبحاث لشركه تسلا :
توقعات شركات الأبحاث باستمرار سهم شركة تسلا في الارتفاع خلال سنه ٢٠٢٠، لدرجة ان في شركات قالت ارقام ضخمة اول مره نسمع عنها زي شركة اي آر كأي ان بسمنيجامنت اللي حدثت تقييمها لسهم الشركة و قالت انه سعره هيوصل ٧٠٠٠ دولار بحلول سنه ٢٠٢٤ و في نهاية يناير ٢٠٢٠ وصلت القيمة السوقية لشركة تسلا الي ١٤٠ مليار دولار لتصبح الأكثر قيمة في تاريخ صناعه السيارات في الولايات المتحدة، و ثاني اكثر شركات صناعة السيارات قيمة علي وجة الأرض بعد العملاق الياباني تويوتا اللي قيمتها السوقية تجاوزت ٢٠٠ مليار دولار، قيمة تسلا الآن اكبر من ضعفي القيمة الإجمالية لشركات السيارات المنافسة جنرال موتور قيمتها السوقية ٤٨ مليار دولار، وشركة فورد قيمتها السوقية ٣٦ مليار دولار.
فيروس كورونا وتأثيرة علي شركة تسلا :
بداية شهر فبراير ٢٠٢٠ انخفض سهم تيسلا الي ٧٤٥ دولار بسبب الإغلاق المؤقت لمصنع تسلا في الصين علشان فايروس كورونا، وده طبعا معناه تباطؤ الانتاج ولكن مع انحسار ازمه الفايروس هيتم فتح المصنع من جديد، و تعاود تسلا تقدمها مرة تانية.
تاثير ارتفاع و انخفاض أسهم تسلا علي ثروت ايلون ماسك :
إيلون ماسك بيمثل حوالي ٢٠٪ من أسهم تسلا و بالتالي اي ارتفاع أو انخفاض في قيمة السهم بيأثر علي صافي ثروته من بداية ألسنه ٢٠٢٠ لحد ٢٠٢٣ زادت ثروته ب ١٣,٥ مليار دولار، وده طبعا بسبب ارتفاع سهم تسلا علشان صافي ثروته توصل ٤٠ مليار دولار تقريبا و يصل للمركز ٢٥ علي قائمة بلون برج لأغني أغنياء العالم كان ممكن ييأس و يسيب المركب تغرق في ٢٠١٨ وقبلها في ٢٠١٤ و قبلها في ٢٠٠٨ ولكنه فضل مكمل لأنه ببساطة مؤمن باللي بيعمله وزي ما هو قال لو في حاجة مهمه بالقدر الكافي فيجب ان تحاول حتي لو كانت النتيجة المحتملة هي الفشل.
*وفي النهايه احب أشكركم علي اهتمامكم واتمني تكون مقالاتي بتعجبكم ، وبشكر القائمين علي العمل و المجهود الكبير لوصول المعلومه لحضرتكم و ياريت تشاركو المقالات علشان بتساعدونه علي الاستمرارية*
