- علاقة السلطه الفلسطينية ب ايران :
فبراير سنه ١٩٧٩ رئيس السلطة الفلسطينة الراحل ياسر عرفات ذهب الي زيارة العاصمة الإيرانية طهران واجتمع مع عدد كبير من المسؤلين الحكومة الإيرانية الجديدة اللي مسكت حكم أيران بعد سقوط الشاه حاكم البلاد ونجاح الثورة الإيرانية بعد ساعات من انتهاء الاجتماع مع عرفات الحكومه الإيرانية أعلنت قطع العلاقات الدبلوماسية مع اسرائيل وامرت الدبلوماسيين و المواطنين الاسرائيليين أنهم يغادروا ايران وفي نفس الوقت طلبت من الدبلوماسيين الإيرانيين الموجودين في تل ابيب أنهم يرجعوا بلادهم الوضع ده مستمر بقي له دلوقتي اكثر من ٤٥ سنه.
 |
| وكالة الفيزا نيوز | كيف سيكون شكل الصراع والمشاكل الاقتصادية للمنطقة ؟ |
- مواجهات الطرفين في اكثر من مناسبة دولية :
الطرفين احتكّوا ببعض في مناسبات كثيرة و الاحتكاكات زادت خصوصا بعد ما ايران بدأت تسرع وتيره تطوير قدراتها النووية ولكن برغم كده كان في طول الوقت شئ بيميز الاحتكاكات الإيرانية الاسرائيلة وهي انها منضبطه وغير مباشره وده كان بيساعد في انها تبقي قابله للسيطره و الاحتواء ٤٥ سنه من العداء المعلن بين الطرفين ولا مره ضربوا بعض بشكل مباشر تقدروا تعتبرو ده خط احمر غير مكتوب بيحكم العلاقة بين الطرفين.
- انتهاك الخط الاحمر الغير معلن بين الطرفين :
الخط الاحمر ده تم انتهاكه من الطرفين فجاة في إبريل ٢٠٢٤ البداية كانت من الجانب الاسرائيلي في ١ أبريل مقاتلات اسرائيليه من طراز إف ٣٥ خرجت من قاعدة نيجاتيف الجوية الاسرائيليه واخترقت الأجواء السورية علشان تضرب مبني تابع للقنصلية الإيرانية في العاصمه السورية دمشق وتقتل سبعه من قاده و ضباط الحرس الثوري الإيراني أبرزهم كان العميد محمد رضا زهدي احد كبار قادة فيلق القدس التابع للحرس الثوري الإيراني دي بالتأكيد مش هي اول مره الاسرائيليين يضربوا فيها أهداف إيرانية في سوريا ولكن اللي بيخلي الهجوم ده مختلف عن اي هجوم ثاني هو انه استهداف مبني قنصلي يخضع للسيادة الإيرانية وبالتالي ده يعتبر استهداف مباشر لايران.
- اجبار ايران علي الرد علي الاستهداف الاسرائيلي :
هنا بقي الإيرانيين لأول مره لقوا نفسهم محصورين في الزاوية قدام الهجوم الاسرائيلي المتهور وغير المسبوق واللي حلفائهم الأمريكيين بيقولوا إنهم ما كانوش عندهم فكره عنه قبل وقوعه وبقي الإيرانيين مضطرين أنهم يردوا علي الاسرائيليين بشكل مباشر كان لازم رد بنفس الرمزيه علي الأقل وان لم يكن بنفس القوه والرد الإيراني جه ١٣ أبريل زي ما كلنا تابعنا من خلال إطلاق مسيرات و صورايخ ضد أهداف اسرائيلية أبرزها كانت قاعدة نيجاتيف الهجوم الإيراني كان متوقع يعني بحسب ما ذكرته رويترز نقلا عن مصدر إيراني طهران بلغت واشنطن من خلال عده دول من بينها قطر و تركيا وسويسرا باليوم المقرر لشن الضربه ولكن البنتاجون الأمريكي نفي بعدين انه ايران أبلغته.
- تاثير الضربة الإيرانية علي المجال الجوي في المنطقة :
دول كتير في المنطقة قفلت مجالها الجوي وعطلت حركة طيران مؤقتا وده كان اجراء ضروري لان حركة الطيران المدني كانت هتبقي في خطر كبير ووارد جدا كانت تحصل كارثة لو المسيرات و الصواريخ الإيرانية انضربت بالأعداد دي و الطيارات المدنيه في الجو و الإيرانيين حاولوا يتصرفوا بحكمه هنا وده لأنهم من اكثر الناس يفهموا مدي خطوره النشاط العسكري علي الطيران المدني.
- حادثه من بعدها اي عمل عسكري جميع الدول المتضررة بتغلق مجالها الجوي :
خطورة النشاط العسكري علي الطيران المدني في يوليو ١٩٨٨ امريكا ضربت ثلاث صواريخ علي طياره مدنيه ايرانيه من طراز اير باس اي ٣٠٠ وهي معديه فوق المياه الإقليمية الايرانيه الطياره اللي كانت خارجة من ايران في اتجاه دبي اصابت بصاروخين و ٢٩٠ شخص كانوا عليها ماتوا ساعتها الأمريكيين طلعوا وقالوا للإيرانيين معلهش احنا كنا مفكرينها مقاتله ايرانيه من راس إف ١٤ ده سيناريو ما حدش يحب يشوفه بيتكرر.
- المهم الهجوم الإيراني تم اعتراضه بنجاح باستثناء بعض الصواريخ البالستية اللي اصابت قاعدتين جويتين ولكن يظل الهجوم ده ليه دلاله رمزية كبيره دي اول مره من ٣٣ سنه وتحديدا من فبراير ١٩٩١ دوله ذات سياده تشن هجوم مباشر علي الاسرائيليين ، الاسرائيليين علي الناحيه الثانية رغم وصفهم للهجوم الإيراني بين هجوم فاشل ونجاهم في التصدي ليه إلا أنهم ممكن يشوفوه فرصه ذهبيه بالنسبه ليهم لتوجيه الضربه اللي بيحلموا بيها من زمان لايران وتحديدا المنشات النوويه.
مشكله صغيرة الاسرائيليين لوحدهم ما يعرفوش يدخلوا في حرب شامله ضد ايران لازم مساعدة من حلفائهم وخصوصا من امريكا مساعده في الهجوم و في الدفاع لاحقا لما الإيرانيين يردوا ، وهنا خليني أقول لكم معلومه مهمه جدا رئيس الوزراء الاسرائيلي بنيامين نتنياهو فكر قبل كده في ضرب ايران ثلاث مرات علي الأقل الاولي في ٢٠١٠ والثانية ٢٠١١ والثالثه ٢٠١٢ بحسب وزير الدفاع الاسرائيلي السابق يهود براك في المره بتاعه ٢٠١٠ رييس اركان الجيش الاسرائيلي وقتها جابي اشكنازي اعترض وقال الجيش مش جاهز للضربة دي ، وفي ٢١ وزير في الحكومة الاسرائيلية اعترضوا وعطلوا القرار ، في ٢٠١٢ الأمريكيين هم اللي اوقفوا للاسرائيليين ومنعوهم وده نفس اللي حصل في الحادثه الأخيرة.
- الهجوم الإيراني علي اسرائيل :
بعد ساعات من انتهاء الهجوم الإيراني علي اسرائيليين الرئيس الأمريكي جو بايدن أتكلم هاتفيا مه رئيس الوزراء الاسرائيلي بنيامين نتنياهو بحسب بعض المسؤولين في البيت الأبيض بايدن طلب من نتنياهو انه ما يردش علي الهجوم الإيراني و حذره من ان امريكا مش تشارك الجيش الاسرائيلي في اي هجوم محتمل ضد ايران الموقف الأمريكي ده وان كان متوقع فهو لا يزال محبط بالنسبه لعدد من المسؤولين الاسرائيليين وعلي رأسهم رئيس الوزراء الاسرائيلي بنيامين نتنياهو اللي بيعيش حاليا اسوا فتره في مسيرته السياسيه التورط في ظل حاله الصدمه اللي لسه بيعاني منها الاسرائيليين الذريع في توقع عمليه طوفان الاقصي.
- طوفان الاقصي والصراع مع الكيان المحتل اسرائيل علي قطاع غزة :
عمليه طوفان الاقصي اللي اطلقتها المقاومة الفلسطينية في غزة في ٧ اكتوبر ٢٠٢٣ اللي فات ضد الاسرائيليين وانهيار دفاعاتهم قدام الهجوم المفاجئ وده طبعا غير التعثر الاسرائيلي لاحق في تحقيق أهداف العدوان الاسرائيلي علي قطاع غزة رغم تدميرهم للقطاع وقتلهم لعشرات الآلاف من الأطفال و النساء بالنسبة لنتنياهو الضربة الايرانيه فرصه لا تعوض و ممكن تكون منقذه لمستقبله السياسي ولكن في النهاية مش بمزاجية قرار الحرب مع ايران في حقيقه الأمر اكبر منه ومن الحكومة الاسرائيليه بالكامل وده ببساطة لان الحرب بدون مبالغة هتولع المنطقة.
- الصراع بين البلدين سوف تضر بمصالح دول اخري :
الحرب دي هتضرب مصالح دول كتير علي رأسهم الولايات المتحده نفسها ما فيش حاجة اسمها حرب بين ايران وإسرائيل هنقعد نتفرج عليها و نتابعها في التلفزيون علي غرار الحرب الروسيه الاوكرانية لو تاخدوا بالكم اللي بيميز الحرب الحالية بين روسيا و أوكرانيا هي ان الاشتباك العسكري مباشر فيها محصور بين دولتين بس الحرب بين ايران واسرائيل مش هتبقي كده مستحيل دي هتبقي حرب إقليمية المنطقة كلها هتتجمع او عصب عنها واللي هيشعلها اكثر هو التورط المتوقع لدول كبيره زي امريكا وبريطانيا وفرنسا واحتمال كمان روسيا و الصين وان كان بشكل غير مباشر من خلال دعم الجانب الإيراني.
- شكل الصراع بين البلدين هيبقي عامل ازاي ؟ :
- عارفين عروض الألعاب النارية الي بتتعمل في راس ألسنه ، ده هيبقي شكل المنطقة ، لو الأمور بين الإيرانيين و الاسرائيليين فلتت سماد المنطقة هتغرق صورايخ وقنابل بتستهدف حتي الدول المحايدة و هنروح بعيد ليه الهجوم الإيراني الأخير علي الاسرائيليين الكيان المحتل لأراض فلسطين الصوره من بره هي ان ايران ضربت و اسرائيل صدت لكن فعليا اللي حصل في الليله دي كان مشترك في ١٦ دوله علي الأقل سواء في الدفاع او الهجوم الدفاعي علي سيبل المثال ضد المسيرات و الصورايخ الإيرانية تم من خلال منظومات الدفاع الجوي الصاروخي و الطيارات المقاتلة في ٨ دول الاسرائيليين ما دفعواش عن نفسهم في الليله دي لوحدهم معظم المسيرات و الصواريخ الايرانيه تم اعتراضها أصلا قبل ما توصل للاسرائيليين.
- بالمناسبه الإيرانيين فاهمين و متوقع و بالتأكيد و ما عندهمش مشكله مع اعتراض الصورايخ قبل ما توصل اسرائيل بالعكس لو الصواريخ و المسيرات الإيرانية ما تمش اعتراضها ووصلت لاهدافها في اسرائيل فالمنطقة كانت هتشت علي الغالب لان الأمريكيين وقتها هيواجه صعوبة في إقناع الاسرائيليين بعدم الرد و غالبا ممكن يشتركوا معاهم في هجوم مضاد او علي الأقل هيدفع عنهم ضد الهجوم الإيراني المضاد ودي بقي هتكون بدايه اسوأ سيناريو ممكن يحصل في المنطقة للأمريكيين يقدروا بالتعاون مع الاسرائيليين يدمروا ايران و يرجعو عقود لورا مش سنين بس ولكن ده مستحيل يتم بدون تكلفه و تكلفته عاليه كمان.
- ودا هو رهان ايران بالمناسبه ايران حريصه علي ان اي حرب عليها هتكون مكلفه جدا بشكل يخلي الأمريكيين يفكروا ١٠٠٠ مره قبل ما يضربوها منشاتها النوويه ، العلاقات بين امريكا و ايران كانت متوتره جدا ساعتها الرئيس الأمريكي وقتها دونالد ترامب انسحب من الاتفاق النووي مع ايران و أعاد فرض بعض العقوبات المفروضه علي الإيرانيين قبل ما يتم عقد الاتفاق ده بين ايران واداره اوباما في ٢٠١٥ في السياق ده ترامب من ناحيه و الرئيس الإيراني من ناحية ثانيه دخلوا مع بعض في حرب كلاميه و كل واحد فيهم فضل يهدد الثاني المهم في إطار الحرب الكلاميه دي الرئيس الإيراني قال يوم ١٣ يوليو ٢٠١٨ تصريح مهم جدا لفت أنظار العالم وان كان مضمونه مش جديد روحاني قال الأمريكيين بيقولوا إنهم عاوزين يمنعوا تماما الصادرات الايرانيه من النفط مافيش معني لان النفط الإيراني غير قابل لتصدير في حين ان نفط باقي الدول بيتصدر بالبلدي كده عادي.
- الرئيس الإيراني كان بيقول عليه وعلي اعدائي ويا نعيش عيشه فل يا نموت احنا الكل يا اماً ايران تصدر البترول بتاعها يا اماً ما فيش حد في المنطقه هيقدر حاجه والمقصود طبعا منطقة الخليج العربي مش كلام بقدر ما هو استراتيجية ايرانيه ممكن تتنفذ في اي لحظه و الهدف من ورا الاستراتيجية دي هو انها تتسبب في كارثه اقتصاديه كبيره تضغط من خلالها ايران علي الولايات المتحده سواء بشكل مباشر او غير مباشر عن طريق الضغط علي حلفائها اللي مصالحهم هتتعرض لأضرار كبيره جدا وده لو حصل فعلا هيبقي كارثه كبيره.
- وعلشان تعرف ليه ده كارثه لازم الأول تعرف هل الإيرانيين عندهم القدره أنهم يعملوا كده أصلا ولا لا و الاجابه باختصار هي ايوه الإيرانيين بالفعل يقدروا يعطلوا جزء كبير من الصادرات النفطية في منطقة الخليج وده يقدروا يعملوه من خلال عده طرق أبرزها غلق مضيق هرمز واللي ممكن نعتبره بدون مبالغة اهم مضيق مائي في العالم مضيق هرمز هو الممر المائي الوحيد المؤدي للخليج العربي مفيش حامله نفط بتدخل او بتخرج من اي مينه موجود علي طول سواحل الخليج اماً تمر من علي المضيق ده بيربط الخليج العربي بخليج عمان وبحر العرب.
- ايران بتسيطر علي الساحل الشمالي للمضيق في حين ان عمان بتسيطر علي الساحل الجنوني بتاعه المضيق دع عرضه عند ديق نقطه بيقترب من حوالي ٣٣ م بس اهميه المضيق ده بتمكن في انه بيمر عبره جزء كبير من النفط العالمي في سنه ٢٠٢٢ المضيق ده كان بيمر منه يوميا حوالي ٢١ مليون برميل من النفط الخام ومشتقاته بيشكلوا ٢١ ٪ من الاستهلاك العالمي من السوائل البتروليه طب النفط ده بتاع مين او بيخرج منين دول آلسعوديه والإمارات والعراق و الكويت و قطر و ايران والبحرين.
- قفل ايران للمضيق هيمنع النفط الخليجي من الوصول للأسواق الدوليه ولكن مش بشكل كامل لان بعض دول الخليج و تحديدا آلسعوديه و الإمارات عندهم خطوط انابيب بتسمح لهم أنهم يتجاوزوا مضيق هرمز آلسعوديه عندها خط انابيب اسمه شرق غرب بينقل النفط الخام من شرق المملكة لميناء ينبع الموجود في الغرب علي البحر الأحمر ، الإمارات عندها خط حابشان الف اللي بينقل النفط الإماراتي لميناء الفوجيرا الموجود علي خليج عمان ، في الوقت الحالي معظم النفط الخليجي بيمر عن طريق الناقلات اللي بتعدي من مضيق هرمز مش عن طريق خطوط الأنابيب وده انت هتلاقيه منطقي جدا.
- لما تعرف مين اللي بيشتري النفط ده النفط الخليجي اللي بيعدي من مضيق هرمز معظمة بيروح اسيا بنتكلم بشكل أساسي عن الصين و الهند و اليابان و كوريا الجنوبية ، وخلونا ناخد السعودية كمثال السعودية بضخ حاليا في السوق حوالي ٩ مليون برميل يوميا الزبون الرئيسي للنفط ده هو اسيا لو بصيت علي الخريطة هتلاقي ان الطريق الأقصر لآسيا بالنسبه للنفط السعودي هو خروجة من الخليج عن طريق مضيق هرمز وانطلاقا ناحية الصين واخواتها يتحمل من مينا راس النورا السعودي الموجود علي الساحل الخليج العربي و اللي بيعتبر اكبر مينه للبترول في العالم ومن هنا الناقلات تعدي بل مضيق وتاخذ لأسيا ده اسهل بكتير من نقله عن طريق خط الأنابيب من الشرق للغرب علي البحر الأحمر.
- علشان يتحمل من ينبع علي متن النقلات ويبدا رحلته لآسيا من هناك الشحن من ينبع مفيد اكثر لو النفط رايح أوروبا او امريكا ولكن برضو السعودية بتستخدم الخط ده في التصدير لآسيا وده لأسباب استراتيجية حاليا السعوديين بينقلوا حوالي ٣ مليون برميل يوميا عن طريق خط شرق غرب.
أمين الناصر الرئيس التنفيذي لشركة أرامكو صرح في مارس اللي فات ان الشركة تقدر توصل صادراتها عن طريق الخط ده ل ٧ مليون برميل يوميا ده معناه ان معظم الصادرات السعودية من الخام ممكن تتلاشي تمام مضيق هرمز ولكن لو الاسرائيليين و الإيرانيين أتغابو علي بعض وحصلت حرب في المنطقة الخط ده فعليته هتقل بشكل كبير و هقول لك ليه النفط السعودي بعد ما يوصل ميناء ينبع ويتحمل في النقلات بيبقي قدامه جهه من اثنين اماً انه يمشي في اتجاه مصر وبعدين قناة السويس علي متن النقلات ، او ما يتدخلش القناه أصلا ويتم تفريغ في محطة العين السخنه علشان يتنقل عن طريق خط انابيب سومي لمحطة سيدي كريري الموجوده علي البحر المتوسط دي هي الجهه الاولي واللي بيسلك عاده النفط اللي رايح أوروبا وأمريكا.
- طبعا في حاله نشوب حرب إقليمية ما حدش هيستغرب لو جماعة أنصار الله او الحوثيين اللي بتربط علاقة قوية بالإيراني قفلوا باب المندب تماما قدام الكل بالعكس ده المتوقع وساعتها النفط السعودي علشان يوصل لآسيا بيمشي لفه طويله جدا هتزيد من مده الشحن وبتزيد بالتأكيد من تكلفته .
- الأمارات بالمناسبه مش بتواجه المشكله دي خط انابيب النفط الإمارات بيوصل النفط لخليج عمان يعني بعد مضيق هرمز بخطوة ونصف ومن هنا بيتحرك لآسيا بسهوله ، ولكن الامارتيين بتواجهه مشكله ثانيه وهي ساعه الخط نفسه الخط ساعته ١,٥ مليون برميل يوميا بس ده بيشكل نص الصادرات الامارتية تقريبا خلاصه النقطة دي ان إغلاق مضيق هرمز هيحظر العالم من جزء كبير من إنتاجه من النفط الخام.
- نفس المشكله موجوده في سوق الغاز الطبيعي المثال الاغلبيه الكاسحه من صدارات قطر و الإمارات من الغاز الطبيعي مفيش ممر غير طريق مضيق هرمز وعلي عكس الحصل في النفط ما مفيش طريق بديل عمليه خروج الغاز المثال القطري و الامارتي للأسواق العالميه بعيدا عن مضيق هرمز تماما من قبل ايران هيكون له تاثيرات كارثية علي اقتصادات دول الخليج من ناحيه وعلي الاقتصاد العالمي بالكامل من الناحيه الثانيه.
