- تدريب المحامين | العناصر :-
١- شرح مقدمة الدعوي.
٢- شرح موضوع الدعوي.
٣- شرح خاتمة صحيفة الدعوي.
شرح موضوع الدعوي القانونية
 |
| وكالة الفيزا نيوز | الموسوعة القانونية، شرح الدعوي القانونية |
-ما هي مقدمة الدعوى ؟
- إنه في يوم……. الموافق …/…/….الساعة …./… بناء علي طلب السيد /……………والمقيم في ومحله المختار مكتب الأستاذ /……….المحامي، انتقلت وأعلنت : السيد/……….. والمقيم في /……..مخاطبآ مع / ………..المحضر هو اللي بيكتب امامها الشخص اللي استلم الاعلان.
- في الهامش :- هنكتب موضوع الدعوى، وبعدين نكتب بناء على طلب الطالب أو الصالبه أو الطالبون وتحت مسئوليتهم، وبعدين نكتب وكيل الطالب ونكتب المحامي ويتم الإمضاء من المحامي.
- لو انت وكيل وكيل ومعاك توكيل من محامي المكتب يبقي تمضي اسمك وبعدين تكتب عن وتكتب اسم الاستاذ المحامى صاحب المكتب اللي الموكل عامله التوكيل، وتكتب رقم التوكيل اللى عامله الاستاذ المحامي صاحب المكتب ليك.
- ما ينفعش ان انت تكتب اسمك وتمضي بإسمك لأنك مش وكيل من الموكل مباشرة.
- لو اسم المدعي غلط ممكن المدعى عليه يطعن برفع الدعوى من غير ذي صفة.
- وكذلك لو اسم المدعى عليه غلط بردو ممكن يطعن برفع الدعوى علي غير ذي صفة.
- لو عنوان المدعي عليه غلط المحضر هيجيب إجابة علي الإعلان بمعني أنه يكتب (لم يستدل علي عنوانه)، أو العنوان غلط أو أن المعلن إلية نقل من عنوانه المثبت بالصحيفه.
- كل مدعى عليه يكتتب أمامه مخاطبآ مع في حاله تعدد المدعي عليهم.
- لابد من التوقيع علي صحيفة الدعوى من محامي علشان المدعى عليه ممكن يدفع ببطلان صحيفه الدعوى لعدم توقيعها من محامي (وده دفع شكلي)
- ما هو موضوع الدعوي القانونية ؟
هو موضوع الخصومة بين الطرفين يعني إن احنا لابد أننا في موضوع الدعوى ، اننا نحدد الاتي :
١- العلاقة بين الطرفين.
٢- المشكلة القانونية بين الطرفين.
٣- النص الداعم المؤيد لذلك (النص القانوني)
- ولابد لو تم عمل إنذار قبل رفع الدعوى، مثل: دعوى طرد المستأجر لعدم سداد الاجره فلابد من ذكر أنه تم عمل إنذار وذكر تاريخة.
- ولابد لو الدعوى من دعاوي الأسرة وتم اللجوء فيها لمكتب التسوية يتم ئكر طلب التسوية ورقمه وتاريخية.
شرح خاتمة صحيفة الدعوي القانونية.
- ما هي خاتمة صحيفة الدعوى القانونية ؟
أنا المحضر سالف الذكر قد انتقلت إلي محل إقامه الملعن إليه وسلمته صورة من هذه الصحيفة وكلفته بالحضور أمام محكمة……. الكائنة ب……….وذلك بجلستها المنعقدة علنآ يوم ……الموافق ……/…../…….أمام الدائرة …….في تمام الساعة الثامنة صباحآ ،وما بعدها لسماع المعلن إليه الحكم بالطلبات الآتية :-
- ونذكر الطلبات علي حسب طلبات كل دعوى، ونكتب مع إلزام المعلن إليه بالمصروفات ومقابل أتعاب المحاماة ولأجل العلم.
- *لازم في كل خاتمة صحيفة الدعوى نكتب الطلبات الأصلية ولازم ولابد من تحديد عنوان المحكمة ويوم الجلسه المحدده والتاريخ ورقم الدائرة وهذه الأشياء لابد من ذكرها في التكليف.
- لأجل العلم :- دي المحضر هو اللي بيكتبها وبيكتب أمامها (تركت له صورة).
- مع حفظ حقوق الطالب الأخري ( ودي بنكتبها علشان لو طلبنا طلبات أخري في الدعوى ).
عند رفع الدعوى كتابة يوم الجلسة المحددة و التاريخ ورقم الدائرة المنظور أمامها الدعوي لأن ممكن المدعى عليه ( الخصم ) يدفع ببطلان صحيفة الدعوى شكليا وده دفع شكلي لخلوها من ميعاد الجلسة واليوم والتاريخ.
- لو لم يتم توقيع الدعوى من محامى ممكن الخصم يدفع ببطلان صحيفة الدعوى لعدم توقيعها من محامى (وده دفع شكلى )الخصم بيدفع بية.
