لماذا يخاف العالم مما يحدث في قناة بنما وما علاقه قناة السويس بمضيق باب المندي

- حفر قناة السويس :- 

في سنه ١٨٦٩ تم الانتهاء من حفر قناة السويس وافتتاحها رسميا بعد ١٠ سنين من الحفر تحت إشراف المهندس الفرنسي فردنان ديلسري بعدها ب ١١ سنه وتحديدا سنه ١٨٨٠ ديلاسبس طار علي بنما علشان يبدأ يحفر.

الفيزا نيوز| قناة السويس

-  حفر قناة بنما :-

قناة بنما بدأت أعمال الحفر علي مدار ٩ سنين ومات خلال الفترة دي أكتر من ٢٠ ألف عامل بسبب الملاريا والحمى الصفراء وبعض الامراض الاستوائيه التانية وفشل تالت محاولة لديلاسبس والفرنسيين في حفر القناة ورغم الانتكاسات دي فضل الأمريكيين في عهد الرئيس الأمريكي ثيودور روزڤلت مهتمين جدا بحفر القناة لشحن البضائع بسرعه وبتكلفه كبيرة، بين سواحل المحيط الأطلسي والمحيط الهادي لحد ما نزلوا بنما سنه ١٩٠٣ وبدأو أعمال حفر القناة. 

- تكلفه القناة بنما :-

و وصلت تكلفة القناة وقتها ل ٣٧٥ مليون دولار ومقتل ٥٦٠٩ شخص، واكتمل بناء القناة وبكدا اتفتح المحيط الهادئ علي المحيط الأطلسي وتم افتتاح القناة رسميا سنه ١٩١٤، بعد ما أبحرت أول سفينة إس إس أنكل أمريكية، افتتاح القناة اختصر المسافة بين شرق وغرب الولايات المتحدة، لانه ربط المحيطين الهادي و الأطلسي ببعض.

- ثورة الشحن العالمي :-

وده عمل ثورة في الشحن العالمي، للي ما يعرفش من حضراتكم قبل حفر قناة بنما كانت السفن بتتطر تسافر حوالين الطرف الجنوبي لامريكا الجنوبية عند منطقة كيب هرن عند جزيرة هرن، أقصي جنوب تشيلي البحر في المنطقة دي يعتبرمن أسوأ الأماكن للإبحار في العالم بحر عاصف جدا، وكان بمثابة مقبرة حقيقية للسفن لعدة قرون،هناك مات آلاف من البحارين وفقد عدد لا يحصي من السفن.

• -وبالتالي قناة بنما اختصرت كل ده وأثرت الرحلة بأكثرمن ١٣ ألف كيلو ووفرت وقت و فلوس وأرواح علي مدار قرن تقريبا،وفضلت قناة بنما شغالة لحد سنه ٢٠١٦ بشكل عادي جدا، ولكن كانت قادرة علي استيعاب السفن الأصغر اللي بتشيل لحد ٥ آلاف حاوية مكافأة بس.

- الحاويات المكافأة :-

 هي الحاويات اللي طولها ٢٠ قدم، وبالتالي الأقفال اللي بتدخل وتخرج السفن من القناة ما كانتش بتتسع إلا لسفينة عرضها ٣٢ فاصل ٣ متر بس.

- حركه الشحن العالمي :-

  مع أهمية حيوية الممر الملاحي ده وزيادة حركه الشحن العالمي والمنافسه الشرسة مع قناة السويس قررت هيئه قناة بنما إضافة المزيد من الفتحات الأوسع للقناة وأنفقوا ٥ فاصل ٣ مليار دولار لبناء الأقفال الجديدة اللي تقدر ستعود سفن أكبر بيوصل حجمها ل ١٥ ألف حاوية مكافئه وعرض السفينه بيوصل ل ٤٩ متر.

• - وقتها هيئة قناة بنما كانت بتتفاخر إنه بعد التوسعه دي هيقدروا يجذبوا من ٤ ل ٥ رحلات إسبوعية من قناة السويس المهم التوسعه الضخمة دي دخلت الخدمة علي مرحلتين في ٢٠١٦ و ٢٠١٨، من وقتها وقناة بنما قدرت تجذب عدد أكبر من أسطول الشحن العالمي، وسفن أكبر حجما لدرجة إن القناة بيعدي منها بضائع ٢٧٠ مليار دولار في السنه.
• - بتستحوذ علي ٤٠ ٪ من إجمالي حركة الحاويات في الولايات المتحدة لوحدها، بس كل ده طبعا إنعكس علي إرادات القناة اللي بيعتمد عليها اقتصاد بنما بشكل كبير واللي وصلت في ٢٠٢٢ ل ٤ فاصل ٣ مليار دولار بيمثلوا ٦ فاصل ٦ ٪ من الناتج المحلي الإجمالي لبنما.

- الكارثة اللي بتمر بيها قناة بنما :-

لكن التوسعة دي ساهمت في حدوث الكارثة اللي بتمر بيها قناة بنما بقلها كام شهر وهتتفاقم في المستقبل؛ وبعد شوية هنعرف ازاي دا حصل؛ ولكن قبلها محتاجين نعرف القناة دي بتشتغل ازاي ؟.

- طريقة تشغيل قناة بنما ازاي :-

لزم نعرف طريقة تشغيل القناة بنما ؟ لان ده ده مهم لفهم اللي بيحصل هناك، لان في فرق بين قناة السويس و قناة بنما في مستوي المياه بين القناتين.

- قناة السويس :- هي قناة أفوقية مياة البحر بتدفق فيها بشكل طبيعي علي الجانبين سواء من ناحية البحر الأحمر أو البحر المتوسط السفن بتدخل و تخرج من القناة بشكل سلس وطبيعي عبر الممر المائي المسطح؛ ولكن ده مش حاصل في قناة بنما هقولكم ازاي.

- قناة بنما :- الفكرة باختصار شديد إن السفن علشان تمر من قناة بنما لازم تترفع عن سطح البحر حوالي ٢٦ متر وبعد كده تدخل بحيرة اصطناعية ضخمة، وهي بحيرة جاتون تمشي فيها لحد ما توصل للناحية التانية وبعدها يتم إنزال السفن مرة تانية لمستوي سطح البحر.

طب السفن بتترفع وتنزل علي طرفين القناة إزاي ؟ من خلال نظام الأقفال أو الأهوسة مفردها هاويس، تعالوا نشوف الأقفال دي بتشتغل ازاي لنفترض ان في سفينة سائبة محملة فول صويا من شرق الولايات المتحدة ورايحة الصين السفينة هتدخل قناة بنما من ناحية المحيط الأطلسي تتعدي من ٣ أقفال علشان تترفع عن سطح مياة المحيط.

- طريقة سحب السفينة :- هيتم سحب السفينة للهويس او القفل الاول من خلال قطارات جر موجودة علي جانبي القفل بعدها هتتقفل بوابة المصب وهيتفتح مياة من أعلي البحيرة علشان يمتلي الهاويس و بالتالي هتطفو بارتفاع حوالي ٨.٥ متر ولما المية تتساوي بمستوي القفل الثاني هيسحبوا السفينة للقفل أو،

- الهويس الثاني و هيقفلوا البوابات بعدها يفتحوا المية علي شان تملي الهويس الثاني فالسفينه هتطفو بارتفاع ٨ ونصف متر ثانين ولما مستوي الماية في القفل الثاني و الثالث يكونوا زي بعض هيسحبوا السفينه،

 - للهويس الثالث ويفتحوا المية فالسفينة هتطفوا بارتفاع ٨ ونصف متر ثانيين تقريبا لحد مستوي سطح بحيرة جاتوة ،بعدها السفينة هتمشي عبر بنما لحد الغرب ولكن علشان تطلع للمحيط الهادي لازم يتم تنزيلها لمستوى سطح البحر فهنعمل نفس العملية بتاعت الاقفال ولكن بشكل معكوس لحد ما السفينة تنزل لمستوي سطح المحيط و بعدها تكمل رحلتها لشرق الصين.

- عجائب الهندسه :-

النظام العبقري ده في رفع وتنزيل سفن وزنها ملايين الأطنان خلي العالم يطلق علي نظام الإقفال ده انه واحد من أهم العجائب الهندسيه اللي صنعها الانسان في العصر الحديث،وزي ما حضراتكم لاحظتوا في مرور السفن معتمد علي مياه مصدرها بحيرات مياه عذبة مقام عليها سدود علشان تجمع الماية وتبدأ تنزلها في أحواض الأقفال دي طب ده كلام جميل فين المشكله بقي؟. 

- المشكلة :-

المشكله زاي ما قلنا القناة محتاجة للمياه العذبة في بحيرة جاتون علشان تشغل الاقفال اللي بترفع السفن علشان تقدر تدخل وتخرج من القناة كل سفينة علشان تعبر من قناة بنما محتاجة حوالي ٢٠٠ مليون لتر مية في المتوسط و ده بيعادل ١٨٠ ملء ١٨٠ حوض سباحة أولمبي لما الأقفال بتعملي بالميه بتختلف المياه المالحه بالمياة العذبة، وبالتالي المياه العذبه اللي جاية من البحيرات بيتم تصريفها في المحيط علشان باقي الميه ما تبقاش مالحة علشان كده بيتم فقد كميات مهوله من الميه مع مرور كل سفينة والقناة  بيعدي منها في الايام العاديه من ٣٦ ل ٣٨ سفينه في اليوم فحضراتكم متخيلين كميه الميه اللي القناة محتاجاها علشان تشغل الاقفال بتاعتها بشكل يومي و اللي بيتم تصريفه معظمها في المحيط أقفال قناة بنما معتمده بشكل اساسي علي بحيرتين.

- بحيرة جاتون :-ودي مساحتها ٤٢٥ كيلو متر مربع وبحيرة مادن او الخلة ومساحتها ٥١ كيلو متر مربع و البحيرتين هم اكبر مصدر للمياه الصالحة للشرب في بنما وبيعتمد عليها في الشرب نصف السكان البالغ عددهم ٤ فاصل ٣ مليون نسمه ده غير ان المجتمعات الزراعية المحلية بيعتمدوا عليهم في الزراعه بردو علشان كده كنت بقولكم من شويه ما ينفعش مياة المحيط المالحه تختلط بمياة البحيرات العذبه علشان كده قناة بنما بتصرف معظم المياة في المحيط.

- هنا حد مصحصح معايا هيسأل سؤال لولبي ،هو اية اللي استجد يعني ما القناة شغالة بقالها اكتر من ١٠٠ سنه ؟

- البحيرات الاصطناعية :-

 الفكرة هنا إن البحيرات الاصطناعية بتعتمد علي مطول الأمطار موسم الأمطار اللي بيبدأ في بنما عادة من أواخر شهر إبريل لحد شهر نوفمبر كل سنه بيعيد ملئ البحيرات  دي وعلي رأسهم طبعا أكبر بحيرة وهي جاتون واللي بدورهم بيغطوا الأقفال بتاعة القناة ولكن اللي حصل بقي في ٢٠٢٣ولسه مستمر ومتوقع أنه هيكمل معانا.

- تاثير موجة الجفاف علي بنما :-

  بنما في شهر أكتوبر اللي فات ضربها أكبر موجة جفاف ما حصلتش من سنه ١٩٥٠، في شهر أكتوبر ده حصل هطول للأمطار أقل بنسبة ٤١ ٪ ، في المتوسط متوقع إن انخفاض هطول الأمطار ده يستمر لحد موسم الأمطار أواخر شهر إبريل الجاي، علشان كده دلوقتي بنشوف الخزان الرئيسي لقناة بنما وهي بحيرة جاتون المياه بتنخفض فيها لمستويات غير مسبوقة، في الوقت ده من السنه ومتوقع ان مستويات المياه دي تتخلص بشكل اكبر خلال الشهور الجاية، منسوب المياه في البحيرة دلوقتي بقي قريب من أدني نقطة تم تسجيلها علي الإطلاق خلال موسم الامطار.

- التزامات الدولة و احتياجها للماء :-

 وبسبب الطلب المزدوج علي مياة بحيرة للقناة من ناحية، وللسكان من ناحية تانية فالبحيرة بتواجة عجز مائي قدره ٣ مليار لتر يوميا، الرسم اللي قدامنا ده بيوضح منسوب مياه بحيرة جاتون بالأدن في يناير ٢٠٢٣ كان منسوب المياة ٦٥ ٨٧ قدم، فضل منسوب المياة يقل يقل علي مدار شهور السنه لحد ما وصل لأدني نقطة يوم ٢٥ يوليو اللي فات، والمنسوب كان ٧٩ فصل ٢٤ قدم بعدها اتسع حاجة بسيطة لحد يوم ٢٤/ ١ /٢٠٢٣، والمنسوب كان ٨١ فاصل ٣ عدة طبعا واضح قدامنا فرق منسوب البحيرة في يناير ٢٠٢٣ ويناير ٢٤.

- مشكلة الجفاف كانت ندرة الحدوث اي اسباب المشكلة :-

 مشكلة الجفاف كانت ندرة الحدوث في بنما، لانها بتعتبر واحدة من اكثر الدول الرطوبة في العالم والبحيرات بتاعتها، وبالتالي القناة طول عمرهم محاطين بوفرة في الماية، ولكن كل ده بقي من الماضي.

- ظاهرة الاحتباس الحراري :-

 والسبب ظاهرة الاحتباس الحراري اللي بتزود حدوث ظاهرة مناخية معروفة باسم النينو، وظاهرة النينو بتؤدي لتعطيل دوران الغلاف الجوي، وبالتالي إضعاف او ازاحة الرياح اللي كان ممكن تجيب المطر لبنما، وغيرها من الدول الاستوائية، وبالتالي النينو بتجيب ظروف مناخية جافة، وبتتميز بارتفاع درجة حرارة المحيط، محصلة ده في النهاية أمطار قليلة جدا، وده معناه مياه قليله في البحيرات وبالتالي بيتم استنزاف بحيرة جاتون بشكل أسرع، وكمان ارتفاع درجات  الحرارة بيسرع عملية التبخير، ومع انخفاض منسوب المياه في البحيرات عند نقطة معينة.

- تدابير الوقاية لقناة بنما :-

 اضطرب هيئة قناة بنما انها تاخد تدابير لمنع سفن الحاويات الضخمة اللي بتشيل لحد ١٥٠٠٠ حاوية من الجنوح في القناة ، فقرروا تخفيض عمليات المرور اليومية من القناة من ٣٨ سفينة في اليوم، لحد ٢٤ سفينة بس في اليوم، وممكن الرقم ده ينزل اكتر خلال الشهور الجاية، وكمان قللوا الغاطس بتاع السفن.

اي هو والغاطس :- هو المسافة بين اسفل نقطة في بدن السفينة، وبين خط المية اللي السفينة موجودة فيها، قياس الغطس ده بيعرفها كمية المية اللي السفينة محتاجاها للإبحار بأمان من غير ما يحصل جنوح، وكل ما السفينة كانت محملة بضائع تقيلة كل ما الغاطس بتاعها زاد، لانها بتنزل في المية بشكل أعمق والعكس صحيح.

- طريقة التشغيل الطبيعي الغاطس :-

 الغاطس التشغيل الطبيعي بتاع قناة بنما كان ١٥ فاصل ٢٤ متر، قللوة دلوقتي لحد ما وصل ١٣ فاصل ٤ متر بس، علشان كدة اتطرت شركات الشحن انها تقلل حمولة السفن بتاعتها بنسبة وصلت ٤٠٪ ، علشان تقدر تعدي من القناة التغير المناخي ما كنش هو السبب الوحيد في الوضع الحرج لقناة بنما دلوقتي.

- توسعة قناة بنما وتاثيرها علي القناة :-

 ولكن التوسعة اللي عملوها في ٢٠١٦ الي ٢٠١٨،  كانت سبب رئيسي تاني لانهم ركبوا اقفال جديدة ضخمة علشان تستوعب السفن الضخمة، ويزودوا حركة المرور وفي نفس الوقت ما عملوش حساب المخاطر، وبنوا خزان جديد لضخ ما يكفي من المياه العذبة لتشغيل الاقفال الجديدة دي، الموضوع بالضبط أشبة بحد عزم ناس كتيرة جدا لحفلة عيد ميلاده وفي الاخر نسي يشتري التورته، صرفوا مليارات الدولارات وسعوا القناة ودخلت سفن ضخمة وبأعداد كبيرة وانت ما عندكش ماية كفاية تشغل ده، الاقفال الجديدة العملاقة دي في الوقت اللي القناة اصلا لما أتبنت من اكثر من ١٠٠ سنه، ما كانتش مصممة انها تتحمل الانخفاض الشديد في مطول الامطار.

 - علشان كده بدأ الزحام عند مداخل ومخارج القناة، بسبب زيادة اعداد السفن المنتظرة بعض السفن المنتظرة بعض السفن انتظرت لاكثر من اسبوعين واقفة في المية علي جانبي القناة، وده بيزود من مخاطر وقوع حوادث وتصادم بين السفن قبطان، ناقلة قبطان ناقلة شايلة غاز طبيعي بيقول للجاردين ان بعض السفن اضطرت تنتظر في المرسى لمدة تصل ٢٥ يوم، والسفن بقت علي مكروبة من بعضها، ولو الطقس كان شديد وفي رياح فهيحصل تصادم،

-  ومزادات العبور وصلت لارقام خزعبلية في ٨ نوفمبر اللي فات اضطرت مجموعه اكيوس اليابانية انها تدفع ٤ مليون دولار بالاضافة  لرسوم عبور القناة المعتادة، واللي وصلت ل ٤٠٠ الف دولار علشان تسرع مرور احدي ناقلات غاز البترول المسال         ال بي جي تابعه ليها. 

- واكثر سفن بتدفع علشان تعدي من القناة بسرعة هما اللي شايلين نفط وغاز، لانهم لو وصلوا للعميل بتاعهم متاخر بيدفعوا غرامة كبيرة، شركات شحن تانية مش مستعجلة او مش قادرة تدفع المبالغ الضخمة دي، اما بتنتظر في الطابور واما بتقرر تغير مسار سفنها لقناة السويس قبل ما منطقة البحر الاحمر تشتعل زي ما هنوضح في المقالة الجايه بعنوان جحيم فوق الماء ، واما بتغير المسار وتلفي من جنوب امريكا الجنوبية كيب هورن وتشيلي واما من طريق راس ارجاء الصالح ،وفي شركات شحن قررت تفرغ البضائع بتاعتها في إحدي طرفين القناة وتنقلها برا، بنما من خلال القطرات زي ما عملت شركة مارسيل ولكن طبعا جميع الخيارات دي مكلفة، وهتاخد وقت اكبر.

-  طب شعب بنما فكروا في حل المشكله العويصة اللي بتقابلهم دي، الحقيقة جميع الحلول مكلفة جدا وهتاخد سنين طويلة علشان تتنفذ، ولكن ابرز حلين بدأ يتم تداولهم مؤخرا هو إقامة سد علي نهر إندي، وبعدها يحفروا نفق في قلب جبل علشان يوصلوا المية العذبة لمسافة ٨ كيلو متر لحد بحيرة جاتون.

- بحسب إريك كوردوبا مدير قسم المياه في هيئة  قناة بنما فالتكلفة المبدئية للمشروع ده ٢ مليار دولار وهيستغرق ٦ سنين علي الاقل وحاليا سلاح المهندسين في الجيش الامريكي بيعمل دراسة جدول القصة دي، طبعا تنفيذ المشروع ده هيكون صعب جدا مش علشان التكلفة، ولكن بسبب اعتراض الاف المزارعين مربي الماشية اللي اراضيهم هيتم غمرها بالمية، واللي بدأوا من دلوقتي ينظموا الصفوف بتاعتهم.

-  والحل الثاني المحتمل واللي لسه بيتم تجربتة هو تلقيح السحاب في شهر نوفمبر اللي فات وصلت طيارة صغيرة تابعه لشركة ويفر موديفيكيشن الامريكية الي بنما، لاختبار تلقيح الصحة وتلقيح السحب او استمرار السحب ،باختصار هو عملية زرع جزيئات الملح الكبيرة في السحب لمساعدتها علي تساقط الامطار، ولكن عمليات تلقيح السحب بتنجح اكتر في المناخات الجافة، مش في البلدان الاستوائية زي ما بنما.

- طبعا شركات الشحن مستقي جدا في الوضع ده لدرجة ان جيري منيكسون الرئيس التنفيذي لسادس اكبر شركة شحن حاويات في العالم وهي العملاق الياباني أوشن نت ورك إكسبرس والمعروفة اختصارا بوان، بعت رسالة لرئيس بنما لورينتينو كوهين ،طالبه فيها يتحرك بسرعه في مشاريع بنيه تحتية يزود بيها إمدادات المية العذبة لقناة بنما.

-  وفي ظل الظروف اللي بتمر بيها قناة بنما دي، والله اعلم هتنتهي امتي وازاي ؟

 ففي فرصة كبيرة لقناة السويس لجذب رحلات بأعداد كبيرة كانت بتضطر تمر من قناة بنما، ولكن لازم طبعا توقف الحرب الكيان المحتل اسرائيل علي قطاع غزة، علشان الحوثيين يوقفوا استهداف السفن التجارية الاسرائيلية اللي بتعدي من البحر الاحمر،

- ويعود الهدوء من جديد للممر الملاحي الاهم في العالم بعد ما ده يحصل الاول تقدر قناة السويس تجذب خطوط الملاحة اللي كانت متعودة تعدي من قناة بنما ؛ 

- لان قناة السويس عندها ميزتين مهمين جدا مش موجودين عند قناة بنما الاولي ان الرسوم بتاعتها اقل من قناة بنما والتانية انها بتستوعب مش بس السفن الضخمة ،اللي بقت بتعدي من قناة بنما بداية من ٢٠١٦ واللي بتشيل لحد ١٥ الف حاوية مكافأة ولكن بتستوعب السفن العملاقة التانية اللي بتشيل لحد ٢١ الف حاوية مكافأة . 

*مش عاوز اطول عليكم اكتر من كدا،*ياريت لو بتعجبكم المقالات، تشيرو المقالات* وتحكوالاصحابكم وحبايبكم يمكن يستفيدوا*.  

تعديل المقال